ගඟ

සඳක් ඇවිදින් තුරක හැපි හැපි
හඬාවැටුනට
ගඟක් පහළට ගලායන එක
නවත්වන්නට බෑ
කුණාටුවකට පසුව හමුවුණ
හුදකලාවක විරාමය මැද
උඹෙයි මාගෙයි මතක විතරක් මකාගන්නට බෑ

වසන්තයකට පිපෙන්නට බැරි
මලක් සිසිරයෙ තනිව පිපුණම.
ඉකිගසන්නට කැමති කිසිවකු
ලොවේ ඉපදී නෑ....
උඹත් ඈතට යන්න ගිය පසු
මගේ තනිකම දරාගන්නට
සිසිරයට මිස වසන්තයකට බෑ


ඈත දි⁣ලිහෙන පුංචි තරුවක්
ඉල්ලලා පොඩිඑකෙක් හැඩුවිට
ජීවිතේ අපි ලියපු පාඩම්
හොයා ගන්නට නෑ
මගෙයි උඹගෙයි පෙම් කතාවට
කොමාවක් මිස විරාමයකුත් නෑ